JESUS KRISTUS DO TUHAN SIPANGAPUL NA SUMURUNG

Taparhatopot do na mansai godang situtu sitaonon ni Apostel Paulus ala silang ni Tuhan i. Alai ndada holan na manghilala godang ni haporsuhon Apostel Paulus, dihilaa ibana do nang pangapulion na sumurung dijalo sian Kristus i. Lapatanna, ndada holan siarsakhonon sambaing angka haporsuhon i Godang do disi nang na gabe sihalashonon nang haporsuhon (Rom 5:3-5) Tusi do hita ditogu laho mangantusi angka haporsuhon na songgop tu hita.

Adong do pangkirimon di angka naporsea jala na marbenget ni roha di sitaononna, na hot so muba-uba haporseaonna atik pe masa haporsuhon. Asa na mangolu do na porsea i dibagasan pangkirimon (Pat. Rom 5:5a). Pangkirimon di angka naporsea i ma : manjalo apul-apul sian Debata molo mangadopi sitaonon; jala pangkirimon ima partohap manang parjambar di hangoluan sogot ima sijalooonni na benget di haporsuhon, na monang maralohon sitaonon sahat rod i ujungna (pangk.2:7a, 10b)

Rangkuman :

1. Asa gabe halak na tongtong sipuji Debata hita disaluhut pardalan ni ngolunta. Halak na tongtong mamuji Debata, ima na marnida denggan basa na nilehon ni Debata tu  ibana, manang aha pe namasa tu ngoluna tongtong mampu mamuji Debata jala mandok mauliate.

2. Naeng ma hita mamparangehon songon na pinarangehon ni Kristus i, i ma manaon sitaonon. Asa ndada gabe bonsir ni pandelean sitaonon, manang gabe mula ni ngolu na so marpanghirimon. Gariada ala ni sitaonon i gabe lam marsihohot hita mangihuthon Kristus.

3. Naeng ma gabe tiruan ngolu ni na porsea di habengetonna i, boi mangapuli halak na   marsitaonon. Asa molo masa pe sitaonon, ingkon lam patoguhon haporseaonta ma i, jala asa maporus hita tu Debata di sitaonon i. Ai Debata sambaing do na tuk mandongani hita, mangalehon gogo dohot manghamonanghon hita maralohon sitaonon i (1 Pet 5:9-11). Angkup ni i, ingkon rajumanta do sitaonon i gabe tingki na une laho papitahon haporseaonta.

4. Asa manontong hita dibagasan pangkirimon. Ianggo nagabe ojahan ni panghirimonta, ima Jesus Kristus. Ibana do na manaon naporsuk di bagasan benget ni roha sahat tu hamatean, alai gabe monang do ibana di na hehe sian hamatean. Ala ni i do didok Ap. Paulus, marojahan tu haheheon Kristus manaluhon na porsuk dohot hamatean i, “hot ma hamu so mubauba”  (1 Kor 15:58). Marhite i ma hita gabe partohap di ragam ni denggan basa ni Debata si jaloonta di hasiangan jala na sumurung jaloon muse di ngolu sogot. “Asa ndang magopo halojaonmuna (sitaononmuna) dibagasan Tuhan” (Kor 15:58b).

HKBP BEKASI TIMUR PERMAI

HKBP BTP, ima Gereja Pagaran Resort Setia Mekar Distrik XIX Bekasi. Jongjong huria on dimulana taon 1998. Disada tingki marpungu ma piga piga halak ama namarsirarian, jala sahat pakkataion nasida manaringoti patupahon partangiangan HKBP di inganan on. Andorang so adong dope punguan partangiangan HKBP, nunga adong parpungun ni kristen secara oikumene na niuluhon ni Pdt Thomas Nengo, jala denggan do mardalan. Alai ala ni naung torop halak Batak namarhuria HKBP, borhat ma utusan tu huria HKBP Setia Mekar laho mangidohon asa adong Pos Pelayanan HKBP di perumahan BTP asa adong Parhalado namanghobasi parmingguan SM dohot Parmingguan Dewasa. 


HKBP Bekasi Timur Permai maringanan di Jalan Kalimusada Raya Blok B5 No. 8, BTP (Bekasi Timur Permai) na ni uluhon ni Amang Pdt. B. Sibarani, STh. Ruas na hot terdaftar nunga torop sahat tu 150 KK, jala tinggal di 7 sektor ima di sektor 1 & 2 Perumahan BTP, sektor 3 Desa Rawa Kalong, sektor 4 Perumahan Mustika & Perumahan Alamanda, sektor, 5 Perumahan Bumi Sani Permai, sektor 6 Perumahan Papan Mas Indah dan sektor 7.  Parserahan, na meliputi : Perumahan Villa Makmur, Kp. Siluman, Perumahan Papan Indah dan Perumahan Koperpu. alai ndang sude anggo na mandohoti parmingguon setiap minggu. Gareja na metmet dope anggo Gereja HKBP BTP, ala tinggal di jabu dope, tung pe songon i denggan do mandalan sude pangkobasion di tonga-tonga ni Huria ima Marturia Koinonia dohot Diakonia. Koor Ama ima sada punguan Kategorial Ama di HKBP BTP ni uluhon ni amanta St. T. Tambunan, patubegehon ende puji-pujuan di tonga-tonga ni kebaktian setiap minggu marhite koor nasida. Nunga godang ende koor naung di endehon nasida, jala nunga sahat rodi dia nasida patubegehon koor ni nasida i. Molo berengon sian duru, sai songon gudang do nian gedung gareja HKBP BTP on, alai dung masuk tubagasan tung sonang ma roha mamereng hinauli ni parsaoranna laos tarbege ma disi soara namansai tabo sian ende ni koor ama on. mantap..!!!